Bölgələrdə “Sülh aylığı” çərçivəsində tədbirlər keçirilib

Press-relizlər / 09.09.2019 / 15:48

Sentyabrın 9-da Dini Qurumlarla İş üzrə Dövlət Komitəsinin (DQİDK) Ucar bölgəsi üzrə şöbəsi, Zərdab rayonu Mərkəzləşdirilmiş Kitabxana Sistemi, Zərdab Rayon Gənclər və İdman İdarəsi, Uşaq və Ailələrə Dəstək Mərkəzinin birgə təşkilatçılığı ilə  “Sülh aylığı” çərçivəsində “Vicdan və dini etiqad azadlığının təmin olunmasında dini qurumların rolu” adlı tədbir keçirilib.

Tədbirdə Zərdab rayonu Mərkəzləşdirilmiş Kitabxana Sisteminin direktoru Nailə Əliyeva, DQİDK-nın Ucar bölgəsi üzrə şöbəsinin əməkdaşı Sədi Hüseynov, Gənclər və İdman İdarəsinin baş məsləhətçisi Ələkbər Kərimov, Uşaq və Ailələrə Dəstək Mərkəzinin müdiri Ləman Səfərəliyeva, aktiv fəaliyyəti ilə seçilən gənclər və yerli ictimaiyyətin nümayəndələri iştirak ediblər.

Tədbirdə çıxış edən natiqlər bildiriblər ki, Azərbaycan dövləti ölkəmizdə sülh və sabitliyin qorunmasında lazım olan bütün zəruri işləri görür və tədbirlər həyata keçirir. “Sülh aylığı” çərçivəsində  ölkəmizdə uğurla həyata keçirilən tədbirlər insan hüquq və azadlıqlarının layiqincə qorunmasına xidmət edir. Çıxışlar zamanı, həmçinin ölkəmizdə bütün rəsmi dini qurumların sülh və sabitliyin qorunmasında, vicdan və dini etiqad azadlığının təmin olunmasında layiqli şəkildə, qanunlar çərçivəsində fəaliyyət göstərdiyi vurğulanıb.

Sonda tədbirin mövzusu ilə bağlı diskussiya təşkil olunub, iştirakçıları maraqlandıran suallar cavablandırılıb.

***

“Sülh aylığı” çərçivəsində daha bir tədbir Hacıqabul rayonu 8 saylı tam orta məktəbdə keçirilib. Tədbirdə DQİDK-nın Şirvan bölgəsi üzrə şöbəsinin baş məsləhətçisi Kənan Quliyev,  məktəbin direktoru Xuraman Talıbova və müəllimlər iştirak ediblər. Çıxış edən natiqlər ölkəmizdə vicdan azadlığının təmin olunmasına dair qanunvericilikdən və dini qurumların bu sahədə fəaliyyətindən danışıblar.


Son baxılan xəbərlər

Mübariz Qurbanlı: “Dini radikalizmə qarşı mübarizədə Azərbaycan İslam dünyası ilə birgə hərəkət edir”

Müsahibələr
27.02.2017 / 12:31
Ətraflı oxu

İxtiyar Hüseynli: İlham Əliyevin “İslam həmrəyliyi” təşəbbüsü qlobal dəstək qazanır

İSLAM HƏMRƏYLİYİ İLİ
12.09.2017 / 12:31
Ətraflı oxu

Dini Qurumlarla İş üzrə Dövlət Komitəsinin Mətbuat Xidmətinin məlumatı

Açıqlama
29.04.2019 / 19:37
Ətraflı oxu

Bakıda dini radikalizm və ekstremizmin təbliğində şübhəli bilinən 180 dini ədəbiyyat aşkarlanıb

Press-relizlər
05.07.2019 / 17:06
Ətraflı oxu

Dövlət Komitəsinin sədri: “Ölkədə qarşıdurma yaratmaq istəyənlər dindən istifadə edirlər”

Press-relizlər
10.07.2018 / 16:23
Ətraflı oxu

Sabirabadda "Sülh aylığı" çərçivəsində tədbir keçirilib

Press-relizlər
02.09.2019 / 14:11
Ətraflı oxu