Sabirabadda maarifləndirmə tədbiri keçirilib

Press-relizlər / 15.03.2019 / 15:13

Martın 15-də Dini Qurumlarla İş üzrə Dövlət Komitəsinin (DQİDK) İmişli bölgəsi üzrə şöbəsi və Sabirabad Regional Mədəniyyət İdarəsinin birgə təşkilatçlığı ilə Sabirabad rayon Mədəniyyət mərkəzində “Dini radikalizm, narkomaniya, erkən nikah və onların fəsadları” mövzusunda tədbir keçirillib.

Tədbirdə Dini Qurumlarla İş üzrə Dövlət Komitəsinin İmişli bölgəsi üzrə şöbəsinin əməkdaşı Atakişi Məhərrəmli, Sabirabad RPŞ-nin Narkotiklərlə mübarizə qrupunun rəhbəri, polkovnik-leytenant İlqar Hümmətov, Sabirabad Regional Mədəniyyət İdarəsinin əməkdaşı Telman Əzimov, gənclər və ictimaiyyət nümayəndələri iştirak ediblər.

Tədbiri giriş sözü ilə açan Sabirabad Regional Mədəniyyət İdarəsinin əməkdaşı Telman Əzimov ölkəmizdə gənclər arasında milli-mənəvi dəyərlərin təbliğ edilməsi, onların zərərli vərdişlərdən, dini radikalizmdən qorunması, sahəsində mühüm tədbirlər həyata keçirildiyini tədbir iştirakçılarının diqqətinə çatdırıb.   

DQİDK-nın İmişli bölgəsi üzrə şöbəsinin əməkdaşı Atakişi Məhərrəmli öz çıxışında qloballaşan dünyanın qarşılaşdığı çətinliklərdən, mübarizə apardığı böyük bəlalardan biri bəşəriyyətin ağ ölümü adlandırılan narkomaniya, həmçinin dini radikalizm, erkən nikah haqqında danışıb. Son illər ölkə miqyasında narkomaniya və erkən nikaha qarşı mübarizə tədbirləri geniş miqyas alıb, bu istiqamətdə daha ciddi addımlar atılıb. 

Sabirabad RPŞ-nin Narkotiklərlə mübarizə qrupunun rəhbəri, polkovnik-leytenant İlqar Hümmətov, narkomaniya, dini radikalizm, erkən nikah halları, onların törətdikləri fəsadlar, o cümlədən, Sabirabad rayonunda belə hallara qarşı aparılan mübarizə tədbirlərindən geniş bəhs edərək, qeyd olunan problemlərlə bağlı statistik məlumatları tədbir iştirakçılarının nəzərinə çatdırıb.

Sonda tədbir iştirakçılarının təklifləri dinlənilib, onları maraqlandıran suallar cavablandırılıb.


Son baxılan xəbərlər

Sosial şəbəkələr: radikalların təlim poliqonu və ya “yıxılmamaq” üçün “qaçmağı” öyrənməyin vaxtıdır

Press-relizlər
22.01.2019 / 11:27
Ətraflı oxu

Bakıda “Azərbaycan Xalq Cümhuriyyəti – 100: dövlət-din münasibətləri və varislik ənənələri” mövzusunda konfrans keçirilib

Xəbərlər
22.11.2018 / 16:00
Ətraflı oxu

İslamın hər hansı bir modeli varmı?

İSLAM HƏMRƏYLİYİ İLİ
24.10.2017 / 12:29
Ətraflı oxu

Yevlaxda “Narkomaniyaya “yox” deyək” mövzusunda tədbir keçirilib

Press-relizlər
16.10.2018 / 15:11
Ətraflı oxu

Səyavuş Heydərov: "Ölkəmizdə formalaşmış dövlət-din münasibətləri dünyaya nümunədir"

Xəbərlər
10.10.2018 / 18:00
Ətraflı oxu

Prezident İlham Əliyev: “İslam aləmində həmrəyliyin möhkəmləndirilməsi işindəki fəaliyyətimiz müsəlman dünyasında yüksək qiymətləndirilir”

Xəbərlər
10.10.2018 / 15:31
Ətraflı oxu