Masallıda “Gənclərin radikal dini cərəyanlardan qorunması” mövzusunda seminar-treninq keçirilib

Press-relizlər / 11.02.2019 / 15:05

Fevralın 11-də  Cavanşir Qasımov adına Masallı rayon Bambaşı kənd tam orta mətəbində Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi və Masallı Rayon Polis şöbəsinin birgə təşkilatçılığı ilə “Gənclərin radikal dini cərəyanlardan qorunması” mövzusunda seminar-treninq keçirilib.

Seminar-treninqdə Dini Qurumlarla İş üzrə Dövlət Komitəsinin Masallı bölgəsi üzrə şöbəsinin müdiri Miryəhya Bədirov, Masallı Rayon Polis şöbəsinin rəisi Habil Əmiraslanov, rəis müavini, polis polkovnik-leytenantı Yelmar Paşayev, Cavanşir Qasımov adına Masallı rayon Bambaşı kənd tam orta məktəbin direktoru Azad Vəliyev, müəllimlər və şagirdlər  iştirak ediblər.

Tədbiri giriş sözü ilə açan məktəbin direktoru Azad Vəliyev keçirilən tədbirin əhəmiyyətindən danışaraq qeyd edib ki, dini radikalizm və digər zərərli vərdişlərlə mübarizə ümümxalq işidir.

DQİDK-nın Masallı bölgəsi üzrə şöbəsinin müdiri Miryəhya Bədirov çıxışında  radikalizmin yaratdığı fəsadlardan danışıb və bundan da ən çox İslam dünyasının zərər gördüyünü vurğulayıb. Hazırda dini radikalizmə ən çox məruz qalan zümrənin müasir gənclər olduğunu bildirib. Qeyd edib ki, dini radikalizm və zərərli vərdişlərin təsirindən uzaq olmaq üçün gənclərə dolğun bilik vermək, həmçinin İslam dinini düzgün şəkildə, olduğu kimi çatdırmaq lazımdır.

Daha sonra çıxış edən Masallı Rayon Polis şöbəsinin rəisi Habil Əmiraslanov dini radikal qrupların və digər zərərli vərdiş daşıyıcılarının başqalarını necə öz təsir altına alması, onların təbliğat metodları haqqında danışıb. O, belə tədbirlərin təhsil ocaqlarında keçirilməsinin yeniyetmə və gənclərin dini maarifləndiriliməsində və onların zərərli vərdişlərin təsirindən uzaq olmasında mühüm əhəmiyyət daşıdığını qeyd edib.

Seminar-treninqin sonunda iştirakçıları maraqlandıran suallar cavablandırılıb.


Son baxılan xəbərlər

Məhərrəmlik ayı ilə əlaqədar həyata keçiriləcək təhlükəsizlik tədbirləri müzakirə olunub

Press-relizlər
05.09.2018 / 11:15
Ətraflı oxu

Qubada bölgənin din xadimləri Bayraq muzeyində olublar

Press-relizlər
07.11.2018 / 16:40
Ətraflı oxu

Sabirabadda dini icmalarla birgə tədbir keçirilib

Press-relizlər
07.02.2019 / 14:35
Ətraflı oxu

Səyyad Salahlı: "Dilimizin saflığının qorunub saxlanılması və gələcək nəslə ötürülməsində hər birimizin üzərinə böyük ...

Xəbərlər
07.11.2018 / 17:19
Ətraflı oxu

Gündüz İsmayılov: "Bu gün gəncliyimiz milli-mənəvi və dini dəyərlərimizə sadiqliyi baxımından mövcud vəziyyəti adekvat ...

Müsahibələr
09.02.2019 / 10:56
Ətraflı oxu

İslamın hər hansı bir modeli varmı?

İSLAM HƏMRƏYLİYİ İLİ
24.10.2017 / 12:29
Ətraflı oxu