Masallıda "Cəmiyyətimizin sağlamlığı naminə narkomaniyaya qarşı birgə mübarizənin vacibliyi" mövzusunda tədbir keçirilib

Press-relizlər / 06.06.2017 / 16:26

İyunun 6-da Masallı Gənclər Mərkəzində Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsi, Masallı Rayon Gənclər və İdman İdarəsi və rayon Təhsil şöbəsinin birgə təşkilatçılığı ilə “Cəmiyyətimizin sağlamlığı naminə narkomaniyaya qarşı birgə mübarizənin vacibliyi” mövzusunda dəyirmi masa keçirilib.
Tədbirdə DQİDK-nın Masallı bölgəsi üzrə şöbəsinin müdiri Miryəhya Bədirov və əməkdaşı Kamil Bağırov, rayon Gənclər və İdman İdarəsinin rəisi Camal Manafov, rayon Təhsil şöbəsinin metodisti Əyyar Bürhanov, ilahiyyat üzrə fəlsəfə doktoru Əliqulu Qardaşov, ziyalılar və gənclər iştirak ediblər.
Tədbiri giriş sözü ilə açan Masallı Rayon Gənclər və İdman İdarəsinin rəisi Camal Manafov zərərli vərdişlərin və narkomaniyanın törətdiyi fəsadlardan danışıb.
DQİDK-nın Masallı bölgəsi üzrə şöbəsinin müdiri Miryəhya Bədirov isə çıxışında narkomaniyanın törətdiyi fəsadların qarşısının alınması və bu sahədə aparılan genişmiqyaslı tədbirlərdən söhbət açıb. Narkomaniya ilə mübarizədə ictimai qınağın önəmini diqqətə çatdıran natiq bu işdə din xadimlərinin və təhsil müəssisələrinin üzərinə böyük məsuliyyətin düşdüyünü bildirib.
 İlahiyyatçı alim Əliqulu Qardaşov, rayon Təhsil şöbəsinin əməkdaşı Əyyar Punhanov, DQİDK-nın Masallı bölgəsi üzrə şöbəsinin əməkdaşı Kamil Bağırov və başqaları çıxışlarında zərərli vərdişlərlə və narkomaniya ilə mübarizədə gənclər arasında maarifləndirmə işinin aparılmasının əhəmiyyətindən danışıblar.
Qeyd edək ki, tədbir Azərbaycan Respublikası Prezidentinin 2017-ci ilin “İslam Həmrəyliyi İli” elan olunması barədə Sərəncamından irəli gələn vəzifələrin icrasını təmin etmək məqsədilə Azərbaycan Respublikası Təhsil Nazirliyinin və Dini Qurumlarla İş üzrə Dövlət Komitəsinin birgə əmri ilə təsdiq edilmiş “Təhsil müəssisələrində uşaq və gənclərin mənəvi inkişafı, milli-mənəvi və ümumbəşəri dəyərlər ruhunda tərbiyə olunması tədbirlərinin gücləndirməsi haqqında” Fəaliyyət Planına və Dini Qurumlarla İş üzrə Dövlət Komitəsinin 2017-ci il üçün “Narkomaniyaya qarşı mübarizə” haqqında İş Planına uyğun olaraq keçirilib. 


Son baxılan xəbərlər

Erməni qriqoryan kilsəsi və yaxud dini-etnik ekstremizm yuvasının fitnəkarlığı

Press-relizlər
17.11.2020 / 12:12
Ətraflı oxu

Ucarda “Dini maarifləndirmə işinin təşkili: gerçəkliklər və perspektivlər” mövzusunda ikigünlük seminar-treninq keçirilib

Press-relizlər
20.04.2018 / 16:53
Ətraflı oxu

Hərbi hissədə maarifləndirmə tədbiri keçirilib

Press-relizlər
31.08.2018 / 15:06
Ətraflı oxu

Prezident İlham Əliyev Əmlak Məsələləri Dövlət Komitəsinin yeni Əmlak Xidmətləri Məkanının açılışında iştirak edib

Xəbərlər
03.01.2019 / 11:00
Ətraflı oxu

Bölgələrdə maarifləndirmə tədbirləri davam etdirilir

Press-relizlər
28.11.2019 / 16:57
Ətraflı oxu

DQİDK sədri “Din və etiqad azadlığının irəlilədilməsi üzrə üçüncü nazirlər konfransı”nda çıxış edib

Press-relizlər
18.11.2020 / 12:57
Ətraflı oxu