Gəncədə yəhudilərin Yeni il bayramı olan “Roş-Ha-Şana” qeyd edilib

Xəbərlər / 07.09.2021 / 15:34

Gəncədə dünya yəhudilərinin qeyd etdiyi Yeni il bayramı - “Roş-Ha-Şana” münasibətilə tədbir keçirilib. Bayram tədbirində Gəncə şəhər Yəhudi dini icmasının üzvləri və Dini Qurumlarla İş üzrə Dövlət Komitəsinin (DQİDK) Gəncə bölgəsinin nümayəndələri iştirak ediblər.

Tədbirdə çıxış edən DQİDK-nın Gəncə bölgəsi üzrə şöbə müdiri Həsən Məmmədov hər il Azərbaycanda böyük təntənə ilə qeyd edilən “Roş-Ha-Şana” bayramının yeniliyi, mənəvi saflığı, xeyirxahlıq və həmrəylik duyğularını təcəssüm etdirdiyini bildirib.

Gəncə şəhər Yəhudi dini icmasının sədri Arif Babayev qeyd edib ki, Azərbaycan tarixən etnik-dini zənginliyi, tolerant və multikultural dəyərləri ilə seçilir. Yəhudi icmasının ölkəmizin ictimai-siyasi və mədəni həyatındakı özünəməxsusluğu, Azərbaycanda gedən böyük tərəqqi və inkişaf prosesində, vətəndaş cəmiyyəti quruculuğunda fəal mövqe nümayiş etdirməsi də məhz bundan xəbər verir.

Ölkədə tətbiq edilən xüsusi karantin rejimi qaydalarına uyğun şəraitdə təşkil olunan tədbir bayram süfrəsi ətrafında davam edib.

Qeyd edək ki, “Roş-Ha-Şana” yəhudi təqvimi ilə Yeni ilin başlanğıcı hesab olunur. Bayram günündə dualar oxunur, ehtiyacı olanlara əl tutulur, Tanrıdan günahların bağışlanması dilənir. Bayram süfrəsində dadlı təamlarla yanaşı, dəyirmi doğranmış yerkökü, balıq başı, nar, alma və balın olması vacibdir. Dəyirmi formada doğranmış yerkökü qızıl pulu, var-dövləti, süfrədəki balıq başı ailə başçısını, ailənin böyüyünü simvolizə edir. Bayram təamlarını dadarkən alma bala batırılaraq yeyilir ki, ilboyu ailədə şirinlik, isti münasibət hökm sürsün. Dənələnmiş nar isə ailənin böyüməsinə, yeni doğulacaq uşaqlara işarədir.

AZƏRTAC


Son baxılan xəbərlər

Maştağada “Dövlət-din münasibətləri: tarix, hüquq və ənənə” mövzusu müzakirə edilib

Xəbərlər
12.02.2020 / 17:55
Ətraflı oxu

Hacıqabulda “Vətən müharibəsindəki qələbəmizdə milli – mənəvi dəyərlərin rolu “ mövzusu müzakirə olunub

Press-relizlər
22.09.2021 / 17:58
Ətraflı oxu

Qubada 27 sentyabr – Anım Günü ilə əlaqədar Şəhidlər xiyabanı ziyarət olunub

Press-relizlər
22.09.2021 / 15:45
Ətraflı oxu

Vəndam qəsəbəsində "Dini radikalizmə qarşı mübarizənin başlıca yolları: nəzəriyyə və təcrübə" mövzusunda tədbir keçirilib

Press-relizlər
25.04.2017 / 12:50
Ətraflı oxu

Bakıda “Zorakı ekstremizm ilə mübarizə: birgə tərəfdaşlıqla dayanıqlığın gücləndirilməsi” mövzusunda konfrans keçirilib

Xəbərlər
10.12.2019 / 16:02
Ətraflı oxu

Dövlət Komitəsinin sədri Özbəkistan Prezidentinin müşaviri ilə görüşüb

Press-relizlər
13.11.2019 / 18:01
Ətraflı oxu